СТОМАТОЛОГИЯДА ОРТОПЕДИК ДАВОЛАШ ЖАРАЁНИДА РУҲИЙ-ЭМОЦИОНАЛ ҲОЛАТ ВА ҲАЁТ СИФАТИНИНГ ЎЗГАРИШЛАРИНИ КОМПЛЕКС БАҲОЛАШНИНГ ЗАМОНАВИЙ ЁНДАШУВЛАРИ

Сўнгги йилларда стоматологияда ортопедик даволаш усулларининг ривожланиши беморларнинг нафақат функционал, балки руҳий-эмоционал ҳолатини яхшилашга қаратилган янги илмий изланишларга сабаб бўлмоқда. Ортопедик протезлар ва реконструктив даволаш жараёнлари нафақaт оғиз бўшлиғининг физиологик функцияларини тиклайди, балки беморнинг ижтимоий ва руҳий эмоционал ҳаётига ҳам салбий ёки ижобий таъсир кўрсатиши мумкин. Шу боис, бу жараёнда беморларнинг руҳий мослашувини, вегетатив тизимдаги ўзгаришларни ва ҳаёт сифати кўрсаткичларини комплекс баҳолаш алоҳида аҳамиятга эга.Ушбу мақолада тиш қатори нуқсонлари бўлган беморларнинг ортопедик даволаш жараёнидаги руҳий-эмоционал ҳолати, стрессга мослашувчанлиги ва ҳаёт сифати индекси асосида комплекс диагностика ва назорат усули таклиф қилинган. Бу ёндашув беморларнинг индивидуал хусусиятларини ҳисобга олиш ва даволаш жараёнини самарали бошқариш имконини беради.Тадқиқот натижалари кўрсатдики, протезга мослашув жараёнида руҳий-эмоционал ўзгаришлар ва вегетатив реакциялар доимий мониторинг ва интервенциялар орқали енгиллаштирилиши мумкин. Бундан ташқари, ҳаёт сифатидаги ижобий ўзгаришлар беморнинг умумий қониқишини оширади ва ортопедик даволаш натижаларини яхшилайди.