BOLALARDA ATOPIK DERMATIT, UNING MAHALLIY DAVOLASH USULLARI

Mazkur maqolada bolalarda atopik dermatit kasalligi, uning etiologiyasi, patogenezi va klinik ko‘rinishlari batafsil yoritilgan. Atopik dermatit bolalik davrida keng tarqalgan allergik teri kasalliklaridan biri bo‘lib, u genetik moyillik, immunologik disbalans, atrof-muhit omillari va allergenlar ta’sirida yuzaga keladi. Maqolada kasallikning alomatlari (qichishish, qizarish, teri qurishi, ekskoriatsiya) va yoshga xos klinik shakllari tasvirlangan. Davolashning mahalliy yondashuvlariga alohida e’tibor qaratilib, kortikosteroid kremlar, emollientlar, antihistamin vositalar, va zamonaviy topikal immunomodulyatorlar qo‘llanilishi tahlil qilingan. Shuningdek, maqolada profilaktik choralar, jumladan, gigiyena qoidalariga rioya qilish, allergenlardan cheklanish va terini namlantirish usullari ham bayon etilgan. Ushbu tadqiqot atopik dermatitni samarali boshqarish uchun ilmiy asoslangan yondashuvlarni taqdim etadi.