“SHUM BOLA” ASARINING TARJIMASIDA MILLIY YUMORISTIK XUSUSIYATLAR

Asliyat yaratilgan davr tarjima amalga oshirilgan paytdan, odatda, ma‘lum darajada farq qiladi. Shuning uchun asliyat ruhini to‘la-to‘kis qayta yaratish mas’uliyati tarjimondan zarur til vositalarini to‘g‘ri tanlash yo‘li bilan asliyat vujudga kelgan davr xususiyatini qayta yaratishni talab etadi. Shu bilan birga, tarjima amalga oshirilgan davr tili bir qadar kitobxonga tushunarli bo‘lishi lozim. Chunki tarjimon asarni o‘z davri kitobxoni mutolaasi uchun o‘giradi. Bir so‘z bilan aytganda, tarjimada shunday lisoniy vositalardan foydalanish kerakki, hosil bo‘lgan matn kitobxonga yaxshi tushunarli bo‘lsin va shu bilan birga, asarda tasvirlangan davr uning ko‘z oldida jonlanib tursin. Ushbu maqolada G‘afur G‘ulomning “Shum bola” asarining ingliz tilidagi tarjimasidagi milliy yumoristik xususiyatlarning berilishi tahlil ostiga olingan.