BOSHLANGʻICH SINF OʻQUVCHILARINI EKOLOGIK DUNYOQARASHINI TARBIYALASHDA KONSEPTUAL TAMOYILLARDAN FOYDALANISHNI TAKOMILLASHTIRISH

 
Boshlangʻich sinf oʻquvchilarida ekologik dunyoqarashni shakllantirish va rivojlantirish jarayonida konseptual tamoyillardan foydalanishni takomillashtirish masalalari yoritilgan. Unda ekologik tarbiyaning dolzarbligi, ayniqsa, boshlangʻich taʼlim bosqichida oʻquvchilarning tabiatga nisbatan ongli va masʼuliyatli munosabatini shakllantirish zarurligi asoslab berilgan. Muallif ekologik taʼlim va tarbiya jarayonida foydalanilayotgan konseptual yondashuvlar, tamoyillar hamda ularning amaliyotga tatbiq etilish holatini tahlil qilgan. Shuningdek, ekologik madaniyatni rivojlantirishda integratsiyalashgan yondashuv, faoliyatga yoʻnaltirilgan taʼlim, shaxsga yoʻnaltirilgan yondashuv kabi tamoyillarni takomillashtirish yoʻllari koʻrsatib berilgan. Maqola boshlangʻich taʼlimda ekologik tarbiyani samarali tashkil etishga doir ilmiy-amaliy tavsiyalar bilan boyitilgan boʻlib, pedagoglar va tadqiqotchilar uchun foydali manba hisoblanadi.