BOSHLANG‘ICH SINF O‘QUVCHILARIGA ESTETIK TARBIYANI SINGDIRISHDA SHARQ MUTAFAKKIRLARI ASARLARINING AHAMIYATI

Estetik tarbiya inson shaxsini har tomonlama barkamol etib voyaga yetkazishda muhim omillardan biri hisoblanadi. Ayniqsa, bu tarbiya jarayonining boshlang‘ich sinf bosqichida samarali olib borilishi kelajak avlodning dunyoqarashi, go‘zallikni anglash, his etish va estetik zavq olish qobiliyatlarini shakllantirishda katta ahamiyatga ega. Ushbu maqolada boshlang‘ich sinf o‘quvchilariga estetik tarbiyani singdirishda Sharq mutafakkirlarining asarlari, ularning g‘oya va qarashlari qanday o‘rin tutishi chuqur tahlil etiladi. Sharq mutafakkirlari, xususan Alisher Navoiy, Ahmad Yassaviy, Jaloliddin Rumiy, Abu Nasr Forobiy, Ibn Sino kabi allomalar o‘z asarlarida nafaqat axloqiy, balki estetik qadriyatlarni ham ilgari surganlar. Ularning asarlarida go‘zallik, nafosat, ma’naviyat, tabiatga, san’atga va inson qalbiga bo‘lgan chuqur munosabat aks etgan.