BOSHLANG‘ICH BOSQICHDA REGBICHILARNING HARAKAT TAYYORGARLIGI VA UNI RIVOJLANTIRISH YO‘LLARI

Mazkur maqolada boshlang‘ich bosqichda regbi bilan shug‘ullanuvchi sportchilarning harakat tayyorgarligi masalalari tahlil qilinadi. Tadqiqotning asosiy maqsadi regbichilarning boshlang‘ich tayyorgarlik davrida harakat ko‘nikmalari, jismoniy sifatlari hamda umumiy tayyorgarlik darajasini baholash va uni rivojlantirishning samarali yo‘llarini aniqlashdan iborat. Tadqiqot jarayonida harakat tayyorgarligining asosiy komponentlari - tezkorlik, chaqqonlik, muvozanat, kuch va koordinatsiya sifatlari ilmiy-nazariy va amaliy jihatdan ko‘rib chiqildi. Shuningdek, mashg‘ulot jarayonida qo‘llaniladigan metod va vositalarning harakat tayyorgarligiga ta’siri aniqlanib, ularning samaradorligi tahlil qilindi. Olingan natijalar boshlang‘ich bosqichda regbichilarning harakat tayyorgarligini tizimli rivojlantirish sportchilarning keyingi bosqichlardagi tayyorgarligi uchun muhim poydevor yaratishini ko‘rsatdi. Tadqiqot natijalari regbi mashg‘ulotlarini rejalashtirish va metodikasini takomillashtirishda amaliy ahamiyatga ega.