MAHALLIY KUNGABOQAR (Helianthus annuus L.) NAMUNALARINING QIMMATLI XO‘JALIK BELGILARIN KOMPLEKS BAHOLASH

Mazkur tadqiqotda mahalliy kungaboqarning (Helianthus annuus L.) 19 ta namunasi va 1 ta andoza navning vegetatsiya davri, bir o‘simlik mahsuldorligi hamda urug‘ tarkibidagi moy va oqsil miqdori bo‘yicha baholandi. Tadqiqot natijalariga ko‘ra, vegetatsiya davri 100–138 kun oralig‘ida o‘zgarib, andozaga nisbatan erta pishar namuna aniqlanmadi. Bir o‘simlik mahsuldorligi 37–48 g diapazonda shakllanib, eng yuqori ko‘rsatkich K-92-A va K-2A namunasida qayd etildi. Urug‘ tarkibidagi moy miqdori 37,7–47,4% oralig‘ida bo‘lib, andozadan yuqori ko‘rsatgichga ega namunalar aniqlanmadi. Oqsil miqdori 16,8–22,3% diapazonda o‘zgarib, konditer tipidagi namunalarda nisbatan yuqori qiymatlar qayd etildi. Olingan natijalar mavjud kungaboqar kolleksiya genofondi genetik xilma-xil mahalliy kungaboqar namunalari bilan boyishi va ularni seleksiya jarayonida istiqbolli boshlang‘ich material sifatida foydalanish mumkin