Dorivor grek shambalasi o‘simligi (Trigonella foenum-graecum L.)ning bioekologik xususiyatlari, yetishtirish agrotexnologiyalari va ularni biologiya ta’limiga integratsiyalash usullari

Ushbu tadqiqotda dorivor grek shambalasi (Trigonella foenum-graecum L.) o‘simligining bioekologik xususiyatlari, ochiq maydon sharoitidagi organik yetishtirish agrotexnologiyalari hamda ushbu mavzuni oliy ta’lim biologiya o‘qitish jarayoniga tizimli integratsiyalash usullari tahlil qilingan. Pedagogik tajriba-sinov ishlari muammoli va loyiha asosida o‘qitish (PBL), raqamli laboratoriyalar hamda bioinformatika (NCBI GenBank) vositalaridan foydalangan holda tashkil etildi. Olingan natijalar fanlararo integratsiyalashgan yondashuv an’anaviy ta’lim metodikasiga nisbatan talabalarning bilim sifatini va amaliy ko‘nikmalarini 15–20% ga oshirishini ko‘rsatdi