MINERAL VA ORGANIK O‘G‘ITLARNI TUPROQDAGI TAKSONOMIK GURUH MIKROORGANIZMLAR SONINING O‘ZGARISHIGA TA’SIRI

Ushbu maqolada mineral va organik o‘g‘itlarning tuproqdagi taksonomik guruh mikroorganizmlar soni va ularning biologik faolligiga ta’siri o‘rganilgan. Tadqiqot davomida turli o‘g‘itlash variantlarining bakteriyalar, zambrug‘lar va aktenomitsetlar kabi mikroorganizmlar sonining dinamikasiga ta’siri tahlil qilingan. Natijalar organik va mineral o‘g‘itlarning birgalikda qo‘llanilishi tuproqning mikrobiologik faolligini oshirish, foydali mikroorganizmlar sonini ko‘paytirish hamda oziq moddalar aylanish jarayonlarini jadallashtirishga xizmat qilishini ko‘rsatdi. Organik moddalarning tuproqqa kiritilishi mikrobiotsenozning rivojlanishi uchun qulay muhit yaratib, tuproq unumdorligini saqlash va oshirishda muhim omil ekanligi aniqlandi. Tadqiqotnatijalari qishloq xo‘jaligi ekinlarini yetishtirishda ekologik jihatdan barqaror va samarali oziqlantirish tizimlarini ishlab chiqishda ilmiy-amaliy ahamiyatga ega