BEHI CHIQITLARIDAN PEKTIN VA BIOLOGIK FAOL MODDALAR OLISH TEXNOLOGIYASINI TADQIQ ETISH

Ushbu maqolada behi (Cydonia oblonga) mevasini qayta ishlash jarayonida hosil bo‘ladigan chiqitlarning tarkibi, ularning biologik va texnologik ahamiyati hamda qayta ishlashning samarali usullari o‘rganilgan. Tadqiqot davomida behi chiqitlarining kimyoviy tarkibi, xususan pektin moddalar, fenolik birikmalar va boshqa biologik faol komponentlar miqdori tahlil qilindi. Olingan natijalar ushbu chiqitlar yuqori qiymatli ikkilamchi xomashyo sifatida foydalanish imkoniyatiga ega ekanligini ko‘rsatdi. Shuningdek, maqolada chiqitlarni qayta ishlashning asosiy yo‘nalishlari, jumladan pektin ajratib olish, biologik faol qo‘shimchalar ishlab chiqarish, yem-xashak tayyorlash va organik o‘g‘it sifatida foydalanish masalalari yoritilgan. Tadqiqot natijalari behi chiqitlaridan kompleks foydalanish orqali iqtisodiy samaradorlikni oshirish va ekologik muammolarni kamaytirish mumkinligini asoslaydi