O‘ZBEK XALQ MAQOLLARIDA ISHTIROK ETGAN QARINDOSHLIK TERMINLARINING SEMANTIK XUSUSIYATLARI

Mazkur maqolada qarindoshlik terminlari ishtirok etgan maqollar tadqiq obyekti sifatida olingan. Dastlab maqol atamasiga izoh berilib, so‘ngra qarindoshlik termini tushunchasi izohlangan. Maqollarda ishtirok etgan qarindoshlik terminlarining semantik xususiyatlari yoritilgan. Ushbu terminlarni yoritishda Mahmud Koshg‘ariyning “Devon-u lug‘otit turk” asaridan, I.A. Ismoilovning “Turkiy tillarda qavm-qarindoshlik terminlari” (o‘zbek, uyg‘ur, qozoq, qoraqalpoq, qirg‘iz, turkman tillari materiallari) monografiyasidan hamda o‘zbek tilining izohli lug‘atidan foydalanilgan. Shuningdek, maqolani yozish davomida qarindoshlik terminlarini izohlash uchun etimologik lug‘at ham asos sifatida olingan. Maqollarning semantik xususiyati yoritilib, ularning sinonimik imkoniyatlari ko‘rsatilgan.