SAMIMIY TUYG’ULAR KUYCHISI

Shoir olamni haqiqat nurlari osha ko’rib, yorqin hissiyotlar orqali qalam tebratadigan shaxs. U tashqi dunyoni emas, insonning ichki olamini ham nurli, turli xil illatlardan xoli ko’rishni istaydi. Bunday ezgu tilak unga ilhom baxsh etadi. She’r shoirning ko’ngil ochadigan sirdoshi, maslakdoshi. She’r so’zlar vositasida yaratilgan rang-barang obraz, xilma-xil qiyos, ramz va tashbehlar birligidan paydo bo’ladi. Shu jihatdan u oddiy so’zlardan farq qiladi. She’riyatning umrboqiyligi ham shunda.