BADIIY ASAR UCHUN SARLAVHANING AHAMIYATI

Adabiy asar – yozuvchi qalbidagi tuyg‘ular, fikrlar va g‘oyalar mujassam topgan ijod mahsulidir. Asar mazmunini o‘quvchiga yanada yorqin ochib beradigan, anglanishini osonlashtiradigan unsurlardan biri – sarlavha. U asarning “kaliti” bo‘lib, o‘quvchi sarlavha orqali asarga kirib boradi, muallifning ruhiyatini sezadi. O‘zbek adabiyotida sarlavhaga o‘ta zukkolik va e’tibor bilan yondashilganini kuzatamiz. Unga asarning umumiy g‘oyasini, syujetini, muallif pozitsiyasini ifodalovchi muhim vosita sifatida qaraladi.  Mazkur maqolada o‘zbek adabiyoti namunalarida sarlavhaning muhim ahamiyatga egaligi, ularning badiiy va g‘oyaviy yuklamasi haqida tahliliy fikrlar yoritiladi.