ТОРТИНЧОҚЛИК ВА УНИ БАРТАРАФ ЭТИШДА ПСИХОКОРРЕКЦИЯ ДАСТУРИ

Оилада вояга етаётган фарзандларнинг, таълим-тарбияси ва шахсини шакллантириш, ишларини тўғри йўлга қўйиш учун аввало, инсоннинг гўдаклик чоғиданок, унинг ўсиб, ўлғайиб бориши жарёнидаги ўзига хос сир-асрорлар, ривожланишнинг айрим умумий қонуниятларини ота-оналар билишлари керак. Дунёга келган гўдак, унинг атрофидаги одамлар ва олам учун тўлик тобе ва боғлик бўлади. Оиланинг тўлиқ бўлиши, яъни унда хам ота, хам онанинг тинчлик тотувликда яшашлари ва унда нормал инсоний муносабатлар, соғлом маънавий муҳитнинг мавжудлиги боланинг ҳар томонлама яхши ривожланиши, соғлом, ақлли, кучли ирода соҳиби бўлиб етишига имкон беради.