O‘ZBEKISTONDA ISTE’MOLCHILAR HUQUQLARINI HIMOYA QILISH TIZIMINI TAKOMILLASHTIRISH YO‘LLARI

Ushbu tezisda O‘zbekiston Respublikasida iste’molchilar huquqlarini himoya qilish tizimining hozirgi holati, uning huquqiy, institutsional va amaliy asoslari tahlil qilingan. So‘nggi yillarda mamlakatda raqobatni rivojlantirish va iste’molchilar huquqlarini himoya qilish qo‘mitasi faoliyat yuritayotgani, “Iste’molchilarning huquqlarini himoya qilish to‘g‘risida”gi qonunga bir qator o‘zgartirish va qo‘shimchalar kiritilgani ko‘rib chiqilgan. Tadqiqotda raqamli iqtisodiyot va elektron tijoratning jadal rivojlanishi, xorijiy tajriba va Birlashgan Millatlar Tashkilotining iste’molchilarni himoya qilish bo‘yicha yo‘riqnomalari asosida milliy tizimni takomillashtirish yo‘nalishlari, jumladan huquqiy baza, nazorat mexanizmlari, elektron murojaat tizimlari va aholining huquqiy savodxonligini oshirish masalalari yoritilgan. Tezis yakunida iste’molchilar huquqlarini himoya qilish samaradorligini oshirishga qaratilgan aniq takliflar shakllantirilgan.