TA’LIM TIZIMINI MOLIYALASHTIRISHDA DAVLAT VA XUSUSIY SEKTOR HAMKORLIGI

Ushbu tezisda ta’lim sohasini moliyalashtirishning muqobil manbalaridan biri sifatida davlat-xususiy sheriklik (DXSh) mexanizmi ko‘rib chiqiladi. Davlat byudjeti resurslarining cheklanganligi, aholi sonining o‘sishi va ta’lim infratuzilmasiga bo‘lgan talabning yildan-yilga ortib borishi sharoitida ta’lim muassasalarini qurish, jihozlash va zamonaviy o‘quv dasturlari bilan ta'minlash uchun xususiy kapitalni jalb qilish zarurati asoslab beriladi. Maqolada DXShning asosiy shakllari, xorijiy davlatlar tajribasi, O‘zbekiston amaliyotidagi mavjud holat, shuningdek uni qo‘llashda uchraydigan huquqiy, moliyaviy va institutsional muammolar tahlil qilinadi. Tadqiqot natijasida ta’lim sohasida davlat-xususiy sheriklikni rivojlantirish bo‘yicha bir qator amaliy takliflar ishlab chiqilgan.