AYOLLARNING OZIQLANISH HOLATI VA UNING GINEKOLOGIK SALOMATLIKKA TA’SIRI

Tadqiqotda ayollar salomatligi, xususan, ginekologik holatga umumiy oziqlanish holatining ta’siri tahlil qilinadi. 18–45 yoshdagi 120 nafar ayol o‘rtasida o‘tkazilgan so‘rovnoma va ilmiy adabiyotlar tahlili natijalariga ko‘ra, oziq moddalar yetishmovchiligi, nosog‘lom ovqatlanish, semizlik yoki ortiqcha ozg‘inlik holatlari hayz ko‘rishdagi buzilishlar, polikistik tuxumdon sindromi va tug‘maslikka olib kelayotgani aniqlandi. Mualliflar to‘g‘ri, vitamin va mikroelementlarga boy ratsion orqali gormonal muvozanat va reproduktiv faoliyatni saqlash zarurligini ta’kidlaydi.