SEMIZLIGI BO`LGAN HOMILADORLARDA GESTATSION QANDLI DIABETNI ERTA TASHXISLASHDA BIOKIMYOVIY MARKERLARNING AHAMIYATI

Gestatsion qandli diabetning  tarqalishi geografik yashash mintaqasiga qarab o'zgarib turadi va Yaqin Sharqda 12,9% dan, Janubi-Sharqiy Osiyo, G'arbiy Tinch okeani, Janubiy va Markaziy Amerikada 11% dan va Yevropaning turli mintaqalarida 5,8% gacha o'zgarib turadi [1,6]. Jahon Sog'liqni Saqlash Tashkiloti (JSST) xabar berishicha, yer yuzidagi odamlarning umumiy soni 7 milliarddan ortiq bo'lsa, ularning taxminan 30% ortiqcha tana vaznidan aziyat chekadi. Yer yuzida xotin-qizlar orasida alimentar semirishning tarqalishi taxminan 30-40% ni tashkil qiladi [2,4]. Hozirgi vaqtda semirish bilan bog'liq muammolarga duch kelgan homilador ayollar soni tobora ortib bormoqda. Shunday qilib, agar 1993-1994 yillarda homilador ayollarning 13% da semizlik tashxisi qo'yilgan bo`lsa, keyin 2002-2003 yillar holatiga ko'ra esa bu ko'rsatkich allaqachon 22 %ni  va hozirda 30 %ni tashkil etadi[3,5].