BEL VA BO‘YIN UMURTQA POG‘ONASIDAGI DEGENERATIV O‘ZGARISHLARNI MAGNIT-REZONANS TOMOGRAFIYA YORDAMIDA BAHOLASH: KLINIK, MORFOLOGIK VA STATISTIK TAHLIL

Ushbu ilmiy maqola bel va bo‘yin umurtqa pog‘onasida uchraydigan degenerativ o‘zgarishlarni magnit-rezonans tomografiya (MRT) yordamida baholash masalasiga bag‘ishlangan. Zamonaviy tibbiyot amaliyotida umurtqa pog‘onasining degenerativ kasalliklari aholi orasida keng tarqalgan bo‘lib, ularning klinik ahamiyati yil sayin ortib bormoqda. Ayniqsa, bel va bo‘yin segmentlarida yuzaga keladigan disk degeneratsiyasi, spondiloz, bo‘g‘imlar artrozi hamda neyro-vaskulyar tuzilmalar siqilishi bilan kechuvchi patologik holatlar mehnatga layoqatning pasayishiga va hayot sifatining yomonlashuviga olib keladi. Maqolada MRT diagnostikasining yuqori sezuvchanligi va spetsifikligi asosida degenerativ jarayonlarning morfologik belgilarini aniqlash, ularni klinik simptomatika bilan solishtirish masalalari yoritilgan. Ilmiy nazariy manbalar, dissertatsiya ishlari va yirik klinik tadqiqotlar tahlili asosida bel va bo‘yin umurtqa pog‘onasidagi degenerativ o‘zgarishlarning asosiy MRT belgilariga tizimli yondashuv berilgan. Shuningdek, turli yosh guruhlarida degenerativ o‘zgarishlarning uchrash chastotasi, jinsiy farqlari va klinik ahamiyati statistik ma’lumotlar asosida tahlil qilingan. Maqolada MRT tekshiruv usuli degenerativ kasalliklarni erta aniqlash, kasallik bosqichini baholash va individual davolash strategiyasini tanlashda muhim diagnostik vosita ekanligini ko‘rsatadi.