“OT” KOMPONENTLI O‘ZBEK VA TURK MAQOLLARIDA QADRIYATLAR TALQINI

O‘tmishdagi madaniy qadriyatlar haqidagi ma’lumotlar til vositasida keyingi avlodlarga yetkaziladi. Shu ma’noda tilni  “ma’naviy qadriyatlarni kelajak avlodlarga yetkazuvchi moddiy va ma’naviy ko‘prik”, deb ta’riflash mumkin. Til birliklarining  tadqiqi   natijasida ularning mohiyati to‘laroq ochiladi, amaliy ahamiyati oshib boradi. Frazeologik birliklar u yoki bu xalqning ma’naviy qadriyatlari, milliy tafakkuri, hayot tarzi hamda urf-odatlarini namoyon etadi. Til va madaniyat munosabatini olamning lisoniy manzarasi nuqtayi nazaridan o‘rganish, milliy mentallikni anglash masalalarini tahlil qilish ham tilshunoslik uchun nazariy va amaliy ahamiyat kasb etadi.