BUDJET MA’LUMOTLARINING SIFATINI XALQARO STANDARTLARGA MOSLASHTIRISH USULLARI

Ushbu maqolada budjet ma’lumotlarining sifatini xalqaro standartlarga moslashtirishning ahamiyati va usullari tahlil qilinadi. Budjet shaffofligi va sifatining oshirilishi davlat boshqaruvi samaradorligini oshirish va xalqaro moliyaviy tizimlarda ishonchli hamkorlikni ta’minlash uchun muhim omil hisoblanadi. Maqolada Xalqaro Davlat Hisoboti Standartlari (IPSAS), Open Budget Initiative va IMFning Fiskal shaffoflik kodeksi kabi xalqaro standartlar ko‘rib chiqiladi. Shuningdek, elektron budjet tizimlari, qonunchilikni takomillashtirish, raqamli texnologiyalarni joriy etish, jamoatchilik nazorati va xalqaro tajriba almashish usullari yoritiladi. Tadqiqot natijalari O‘zbekiston davlat moliyaviy boshqaruvi sifatini yaxshilash va xalqaro standartlarga moslashtirish bo‘yicha takliflar ishlab chiqishga asos bo‘ladi.