KONSERVANTLARNING KO'Z SHILLIQ QAVATIGA TA'SIRI, PH MUVOZANATI VA OSMOTIK BOSIMNI OPTIMALLASHTIRISH

Ushbu maqolada ko‘z uchun qo‘llaniladigan oftalmik dori vositalarida konservantlar, pH muvozanati va osmotik bosimning ahamiyati kompleks tarzda tahlil qilindi. Zamonaviy farmakologiyada ko‘z tomchilari va boshqa oftalmik preparatlar keng qo‘llanilishi bilan birga, ularning xavfsizligi va bemorlar tomonidan qabul qilinishi muhim klinik masala bo‘lib qolmoqda. Konservantlar preparatning mikrobiologik barqarorligini ta’minlasa-da, ularning uzoq muddatli qo‘llanilishi ko‘z yuzasi epiteliysiga toksik ta’sir ko‘rsatib, quruqlik, qizarish, achishish va yallig‘lanish reaksiyalarini keltirib chiqarishi mumkinligi ilmiy adabiyotlarda keng yoritilgan. Shu sababli so‘nggi yillarda konservantsiz yoki minimal toksik konservantlarga ega bo‘lgan oftalmik preparatlarni ishlab chiqishga katta e’tibor qaratilmoqda. Maqolada shuningdek, ko‘z yoshi suyuqligining fiziologik pH darajasi bilan mos keladigan eritmalar bemorlar tomonidan yaxshi qabul qilinishi va nojo‘ya ta’sirlarni sezilarli darajada kamaytirishi tahlil qilindi. pH muvozanatining buzilishi esa ko‘zda tirnashish va reflektor noqulayliklarni kuchaytirishi mumkinligi ko‘rsatib o‘tildi