XO'JALIK YURITUVCHI SUB’EKTLARDA TOVAR MODDIY ZAXIRALAR HISOBINI YURITISHNI TARTIBGA SOLISH

 Maqolada xo‘jalik yurituvchi sub’ektlarda tovar-moddiy zaxiralar (TMZ) hisobini yuritishning amaldagi tartiblari, buxgalteriya hisobining milliy standartlari va xalqaro yondashuvlari asosida tahlil etilgan. Unda TMZ hisobining iqtisodiy ahamiyati, hisobotdagi aniqlik va shaffoflikni ta’minlashdagi roli yoritilgan. Tahlil davomida mavjud me’yoriy hujjatlar, amaliyotdagi muammolar va ularni hal qilish yo‘llari chuqur o‘rganilgan. Shuningdek, maqolada TMZ hisobining elektron tizimlar orqali yuritilishi, avtomatlashtirilgan dasturlarning qo‘llanilishi, monitoring tizimi va ichki nazorat mexanizmlarining samadorligi hamda ularni takomillashtirish bo‘yicha takliflar ilgari surilgan. Maqola natijalariga tayangan holda, xo‘jalik sub’ektlarining hisob siyosatini optimallashtirish, buxgalteriya axborotining aniqligini oshirish va zaxiralarning iqtisodiy tahlilini kuchaytirish bo‘yicha ilmiy-amaliy tavsiyalar ishlab chiqilgan.