MA’NAVIY-MA’RIFIY TADBIRLAR ASOSIDA MAKTABGACHA YOSHDAGI BOLALARDA MILLIY O‘ZLIKNI ANGLASH VA MADANIY KOMPETENSIYALARNI RIVOJLANTIRISH

Mazkur maqolada maktabgacha yoshdagi bolalarda milliy o‘zlikni anglash va madaniy kompetensiyalarni rivojlantirishda ma’naviy-ma’rifiy tadbirlarning pedagogik ahamiyati hamda innovatsion imkoniyatlari ilmiy-nazariy va amaliy jihatdan tahlil qilingan. Tadqiqotda ma’naviy-ma’rifiy tadbirlarning bolalarda milliy qadriyatlarga hurmat, Vatanga sadoqat, ona tiliga mehr, milliy urf-odat va an’analarga ijobiy munosabatni shakllantirishdagi o‘rni yoritilgan. Shuningdek, interfaol pedagogik metodlar, didaktik va milliy o‘yinlar, xalq og‘zaki ijodi, teatrlashtirilgan faoliyat, loyiha metodi hamda axborot-kommunikatsiya texnologiyalaridan foydalanish orqali bolalarning madaniy kompetensiyalarini rivojlantirish imkoniyatlari asoslab berilgan. Tadqiqot natijalari maktabgacha ta’lim tashkilotlarida ma’naviy-ma’rifiy faoliyatni zamonaviy pedagogik yondashuvlar asosida tashkil etish bolalarning milliy o‘zligini anglash darajasini oshirish, ijtimoiy-madaniy moslashuvini kuchaytirish hamda ma’naviy-axloqiy kamolotini ta’minlashda muhim omil ekanligini ko‘rsatadi. Tadqiqot yakunida maktabgacha ta’lim amaliyotida milliy o‘zlikni anglash va madaniy kompetensiyalarni rivojlantirish samaradorligini oshirishga qaratilgan ilmiy-amaliy tavsiyalar ishlab chiqilgan.