QASHQADARYO HAVZASINING O‘RTA HUDUDI TUPROQLARI SHAROITIDA G‘O‘ZANI TOMCHILATIB SUG‘ORISH VAQTI VA ME’YORLARINI ASOSLASH

Maqolada Qashqadaryo viloyatining och tusli bo‘z tuproqlari mexanik tarkibiga ko‘ra o‘rta qumoq tarkibiga kiruvchi tuproqlari sharoitida g‘o‘za ekilgan tajriba dalasining butun vegitatsiya davomida suv iste’molini hisoblash bo‘yicha olib borilgan tadqiqotlar natijalari keltirilgan. G‘o‘za dalasidagi umumiy suv iste’moli Qashqadaryo viloyati G‘uzor tumani meteorologik ko‘rsatkichlardan foydalangan holda FAO uslubiyatining CropWat 8.0 dasturi asosida sug‘orish tartibini tuproq-gidrogeologik sharoitlarni hisobga olgan holda ishlab chiqilganligi. Hamda tadqiqotlarda S.M. Alpatevning bioklimatik usulidan foydalanib, ochiq suv yuzasidan bug‘lanish, yog‘in miqdori va ekinning suvga bo‘lgan ehtiyoji asosida g‘o‘zani tomchilatib sug‘orish me’yorlari hisoblandi. Mazkur usul asosida sug‘orishlar oralig‘i va muddatlari aniqlanib, Qashqadaryo havzasining o‘rta hududi tuproqlari sharoitida g‘o‘zani suv bilan maqbul ta’minlash imkoniyatlari baholandi.