CLINICAL AND EPIDEMIOLOGICAL FEATURES OF THE MODERN COURSE OF SHIGELLOSIS IN ADULTS

Ushbu maqolada shigellyoz kasalligining zamonaviy klinik va epidemiologik xususiyatlari hamda uning bakterial ichak infeksiyalari tarkibidagi o‘rni tahlil qilindi. Tadqiqot natijalari kasallikning eng yuqori uchrashi 25–50 yoshdagi kattalar orasida kuzatilishini ko‘rsatdi. Kasallikning yoz–kuz mavsumida ko‘payishi saqlanib qolgan bo‘lsa-da, ilgari xos bo‘lgan aniq mavsumiylik kamaygan. Infeksiya yuqishida asosan oziq-ovqat mahsulotlari, ayniqsa sut mahsulotlari yetakchi o‘rin tutadi, suv omili ham muhim ahamiyatga ega. Etiologik jihatdan Shigella flexneri ustunlik qiladi va ko‘pincha o‘rta va og‘ir kechish bilan namoyon bo‘ladi. Klinik jihatdan isitma, qorin og‘rig‘i va shilliq aralash kam hajmli najas bilan kechuvchi kolitik shakllar ustun bo‘lib, tenesmlar kam kuzatiladi. Tadqiqot natijalari diagnostika usullarini takomillashtirish va profilaktika choralarini kuchaytirish zarurligini ko‘rsatadi.