FANLARARO PBL: BIOLOGIYA VA INGLIZ TILI INTEGRATSIYASI ORQALI OG’ZAKI MULOQOTNI RIVOJLANTIRISH

Ushbu tezisda biologiya fanini ingliz tili bilan integratsiyalash orqali o’quvchilarning og’zaki nutq kompetensiyasini rivojlantirish masalasi yoritilgan. Tadqiqotda integratsiyalashgan yondashuv orqali fanlararo bog’liqlikni kuchaytirish, o’quvchilarning kommunikativ ko’nikmalarini shakllantirish hamda ularning fanlarga bo’lgan qiziqishini oshirish yo’llari ko’rib chiqilgan. Ayniqsa, CLIL (Content and Language Integrated Learning) metodikasi asosida biologik atamalarni ingliz tilida o’rgatish orqali o’quvchilarning til bilish darajasini oshirish va ilmiy ifoda qilish malakalarini rivojlantirishning afzalliklari tahlil qilingan. Shuningdek, maqolada amaliy misollar, dars ishlanmalari va integratsiyalangan topshiriqlar orqali o’quvchilarning faol og’zaki muloqotga jalb etilishi ko’rsatib berilgan. Tadqiqot natijalari shuni ko’rsatadiki, biologiya va ingliz tilini birgalikda o’qitish o’quvchilarda fanga nisbatan ijobiy munosabat va mustahkam til ko’nikmalarini shakllantiradi.