RAQAMLI KRIMINALISTIKADA SUN’IY INTELLEKT TEXNOLOGIYALARIDAN FOYDALANISH ISTIQBOLLARI

Maqolada raqamli kriminalistikada sun’iy intellekt texnologiyalaridan foydalanishning nazariy va amaliy jihatlari yoritilgan. Hozirgi davrda kiberjinoyatlarning ko‘payishi, shuningdek, elektron ma’lumotlarning tez sur’atlarda ortib borishi tergov va ekspertiza jarayonlarida yangicha yondashuvlarni talab etmoqda. Sun’iy intellekt texnologiyalari, xususan, mashinaviy o‘qitish va neyron tarmoqlar, raqamli izlarni aniqlash, katta ma’lumotlarni tahlil qilish hamda sud jarayonlarida aniq va tezkor xulosalar chiqarishda samarali vosita sifatida qaralmoqda. Maqolada ushbu texnologiyalarni qo‘llash imkoniyatlari, afzalliklari, ehtimoliy xavflari va istiqbollari tahlil qilinadi.