БОТУЛИЗМНИ ЭРТА АНИҚЛАШДАГИ КЛИНИК ВА ДИАГНОСТИК МУАММОЛАР ҲАМДА УЛАРНИНГ ТАҲЛИЛИ

 
Мақолада ботулизм касаллигини эрта босқичда аниқлашда учрайдиган клиник-диагностик муаммолар таҳлил қилинди. Тадқиқот ретроспектив ва проспектив усуллар асосида 2007–2024 йиллар давомида қайд этилган беморлар маълумотлари ўрганилиши орқали амалга оширилди.
Олинган натижаларга кўра, беморларнинг катта қисмида бирламчи ташхис нотўғри қўйилган бўлиб, асосан гастроинтестинал ва неврологик патологиялар билан қиёсий ташхис ўтказилган. Илк клиник белгилар - кўнгил айниши, қайт қилиш ва ич бузилиши - нотўғри ташхис қўйилган гуруҳда ишончли даражада кам учраган (P<0,001). Айрим неврологик симптомлар бўйича эса гуруҳлар ўртасида статистик аҳамиятли фарқ кузатилмади (P>0,05).Хулоса сифатида  ботулизмни эрта аниқлашда клиник кўринишнинг ноаниқлиги диагностик хатоликлар эҳтимолини оширади ва дифференциал ташхис ёндашувини такомиллаштиришни талаб қилади.