ABDULLA QODIRIYNING “O’TGAN KUNLAR” ROMANIDAGI ANTROPONIMLARNI TAHLIL QILISH

  Ushbu maqolada Abdulla Qodiriyning “O‘tgan kunlar” romanidagi antroponimlar lingvistik va uslubiy nuqtai nazardan tahlil qilinadi. Tadqiqot jarayonida asarda uchraydigan shaxs nomlari, ularning kelib chiqishi, ma’no qatlamlari va badiiy funksiyasi o‘rganiladi. Antroponimlarning qahramon xarakterini ochishda, ularning ijtimoiy mavqeini belgilashda hamda davr ruhini aks ettirishda tutgan o‘rni ko‘rsatib beriladi. Maqolada personaj ismlarining milliy mentalitet, an’ana va o‘zbek tarixiy hayoti bilan bog‘liqligi, shuningdek, ularning Qodiriy tomonidan ongli ravishda tanlanishi orqali asarning mazmuniy va estetik qiymatini oshirishiga e’tibor qaratilgan. Tahlil natijalari shuni ko‘rsatadiki, antroponimlar nafaqat nomlash vositasi, balki qahramon xarakterini ochuvchi, muallif ideyasini ifodalovchi muhim badiiy vosita sifatida xizmat qiladi.