YASHIL IQTISODIYOT TAMOYILLARI ASOSIDA MINTAQALARNING BARQAROR IQTISODIY RIVOJLANISHINI TA’MINLASH

Maqolada yashil iqtisodiyot tamoyillarini hududiy rivojlanish siyosatiga integratsiya qilish  orqali mintaqalarning barqaror iqtisodiy o‘sishini ta’minlash mexanizmlari tahlil qilindi. Tadqiqot  O‘zbekistonning 2019–2030-yillarga mo‘ljallangan “yashil iqtisodiyot”ga o‘tish strategiyasi,  “O‘zbekiston – 2030” strategiyasini 2025-yilda amalga oshirish davlat dasturi, Energetika  vazirligining 2025-yil yakuniy ko‘rsatkichlari hamda Jahon banki va xalqaro ilmiy adabiyotlar  asosida bajarildi. 2025-yilda O‘zbekistonda 86,7 mlrd kVt·soat elektr energiyasi ishlab chiqarilib,  shundan 16,8 mlrd kVt·soati quyosh, shamol va gidroenergetika hisobiga to‘g‘ri kelgan; quyosh va  shamol ishlab chiqarishi 10,5 mlrd kVt·soatga yetgan. Ushbu natijalar 3,2 mlrd m³ tabiiy gazni tejash  va 4,7 mln tonna zararli tashlanmalarni oldini olish imkonini bergan.