O‘ZBEK TILIDA AYOLLARGA MUROJAAT QILISH O‘ZIGA XOS XUSUSIYATLARI

Ushbu maqolada o‘zbek tilida ayollarga murojaat qilishning o‘ziga xos tomonlarining ayrim jihatlari ochib berilgan. Kishilarning o‘zaro aloqaga kirishuvida erkaklar va ayollar nutqi ajratilar ekan, bu ham erkak yoki ayolning jamiyatdagi ijtimoiy roliga bog‘liq holda yuzaga keladi. Kundalik hayotda o‘zaro muloqot jarayonida belgilangan rolning bir xil tarzda muntazam davom etishi ayol yoki erkakning nutqiga, uning xulqiga ma’lum darajada ta’sir ko‘rsatadi. Bu esa ularning fikr ifodalashda qanday nutqiy taktikani qo‘llashlari, qanday til birliklari vositasida o‘z kommunikativ maqsadlariga erishishiga ta’sir qiladi. Bu holat, ayniqsa, erkaklar va ayollar murojaatida yaqqol aks etib turadi.