INGLIZ VA O‘ZBEK TILLARIDA UY RO‘ZG‘OR BUYUMLARI NOMLARINING CHOG‘ISHTIRMA TADQIQI

Maqolada ingliz va o‘zbek tillaridagi uy-ro‘zg‘or buyumlari nomlari semantik, so‘z yasalishi va lingvomadaniy jihatdan chog‘ishtiriladi. Oshxona jihozlari, mebel, yotoq anjomlari va uy bezaklariga oid birliklar misolida ikki tildagi nomlash tamoyillari ko‘rib chiqiladi. Tahlil ayrim buyumlar uchun yaqin muqobillar mavjudligini, ayrim nomlarning ma’no doirasi esa faqat kontekstda aniqlanishini ko‘rsatadi. Xususan, dasturxon, sandiq va qozon kabi birliklarni tarjima qilishda buyumning shakli bilan birga vazifasi va qo‘llanish sharoitini hisobga olish zarur.