TEMIR YO‘L TARMOG‘IDA RAQAMLASHTIRISH SAMARASINI EKSPLUATATSION KO‘RSATKICHLAR ASOSIDA BAHOLASH: VAGON AYLANMASI MISOLIDA

Raqamli harakatni boshqarish tizimlarining samarasi birinchi navbatda  ekspluatatsion sifat ko‘rsatkichlarida namoyon bo‘ladi. Moliyaviy ko‘rsatkichlardan farqli ravishda ular narx omilidan xoli bo‘lib, resurslardan foydalanish darajasini bevosita  ifodalaydi. Shu sababli ular raqamlashtirish natijasini baholashda qulay o‘lchov hisoblanadi.  Biroq ushbu ko‘rsatkichlarning o‘zgarishiga tashish tarkibidagi siljishlar ham ta'sir qiladi:  yuk oqimlarining tuzilishi o‘zgarganda sifat ko‘rsatkichlari texnologik yaxshilanishisiz ham o‘zgarishi mumkin. Tadqiqotning maqsadi — vagon aylanmasining yaxshilanishida  tuzilmaviy va boshqaruv omillarining hissasini ajratish.