YURAK-QON TOMIR KASALLIKLARI O'TKAZGAN BEMORLARDA KARDIOLOGIK REABILITATSIYADA DAVOLOVCHI JISMONIY MASHQLARNING AHAMIYATI: ADABIYOTLAR SHARHI

Ushbu adabiyotlar sharhi yurak-qon tomir kasalliklari (YuQTK) o'tkazgan bemorlarda kardiologik reabilitatsiya (KR) dasturlari tarkibida davolovchi jismoniy mashqlar (DJM) — xalqaro amaliyotda "lечебная физическая культура" (LFK) deb ataladigan komponent — ning patofizioligik asoslari, qo'llash protokollari va klinik samaradorligini tahlil qilishga qaratilgan. 2013–2024 yillar oralig'ida PubMed, Cochrane Library va Google Scholar bazalarida nashr etilgan 20 ta ilmiy manba (tasodifiy nazorat ostidagi klinik tadqiqotlar, meta-tahlillar, tizimli sharhlar va klinik ko'rsatmalar) o'rganildi. Tahlil natijalari tizimli DJM dasturlari miokard infarkti, stabil stenokardiya va surunkali yurak yetishmovchiligi bo'lgan bemorlarda umumiy o'limni 13–26% ga kamaytirishi, jismoniy bardoshlilikni oshirishi va hayot sifatini yaxshilashini tasdiqlaydi. I, II va III bosqich reabilitatsiya protokollarida aerobo, kuch va nafas mashqlarining kombinatsiyasi eng yuqori klinik natijalarni ta'minlamoqda. Raqamli texnologiyalar va masofaviy nazorat vositalarini LFK dasturlariga integratsiya qilish an'anaviy markazlashgan reabilitatsiyaga muqobil samarali yechim bo'lib bormoqda.