QUYROVUQNING “PERVENETS KARNABA” NAVI URUG‘CHILIK MAYDONLARINI BARPO QILISHNING AGROTEXNIK TADBIRLARI

Ushbu maqolada quyrovuqning Salsola orientalis S.G.Gmel. “Pervenets Karnaba” navidan urug‘chilik maydonlarini barpo etishda qo‘llaniladigan agrotexnik tadbirlar yoritilgan. Tadqiqotlar Qarnabcho‘l sharoitida turli oziqlanish maydonlarida yetishtirilgan o‘simliklarning o‘sishi va rivojlanishini kuzatish asosida olib borildi. Urug‘chilik maydonini tayyorlash, tuproqqa ishlov berish, ekish muddati, oziqlanish maydoni, qator oralig‘i, o‘simliklarni parvarishlash va urug‘larni yig‘ib olish kabi agrotexnik tadbirlarini amalga oshirishga  alohida e’tibor qaratildi. Quyrovuqning “Pervenets Karnaba” navi cho‘l sharoitiga moslashgan, yuqori ozuqaviy qiymatga ega va urug‘chilik maqsadida istiqbolli navlardan biri hisoblanadi. Tadqiqot natijalari ushbu navning urug‘chilik maydonlarini barpo etishda maqbul oziqlanish maydonini tanlash o‘simliklarning o‘sish-rivojlanishi va urug‘ hosildorligiga ta’sir etuvchi muhim omil ekanligini ko‘rsatadi.