SURXONDARYO VILOYATI SHAROITIDA TUKLI ERVA (AERVA LANATA (L.) JUSS.) NING BIOEKOLOGIK XUSUSIYATLARI VA URUGʻIDAN KOʻPAYTIRISH SAMARADORLIGI

Maqolada Surxondaryo viloyatining quruq, keskin kontinental iqlimi sharoitida introduksiya qilingan tukli erva (Aerva lanata (L.) Juss.) ning fenologiyasi, sutkalik gullash dinamikasi, urugʻ unuvchanligi, maysa biologiyasi va introduksion bahosi boʻyicha 2025–2026-yillarda olingan natijalar keltirilgan. Gullash davri 60 kun davom etib, gullarning ochilishi soat 14:00 da (havo harorati 38 °C) eng yuqori darajaga yetdi. Urugʻlarning laboratoriya unuvchanligi 75–80 % ni, dala sharoitidagi unib chiqishi esa ekish muddatiga qarab 68–85 % ni tashkil etdi; eng yaxshi natija mart oyining uchinchi oʻn kunligida ekishda olindi. 100 balli shkala boʻyicha tur 75 ball toʻplab, «istiqbolli» guruhiga kiritildi.