O‘ZBEKISTONDA YOSHLAR TADBIRKORLIGINI RIVOJLANTIRISH: MOLIYAVIY, TA’LIM VA INSTITUTSIONAL MUAMMOLAR

Mazkur  tadqiqotda  O‘zbekistonda  yoshlar  tadbirkorligini  rivojlantirish jarayonida yuzaga kelayotgan moliyaviy, ta’limiy hamda institutsional  to‘siqlar  amaldagi  me’yoriy-huquqiy  baza  va  rasmiy  statistika  ko‘rsatkichlari  asosida  tizimli  o‘rganilgan.  Ishda  boshlang‘ich  sarmoya  va  garov  ta’minoti  tanqisligi,  tijorat hamda imtiyozli kreditlarning foiz tafovutlari (mikroqarzlarda 34,9  foizdan maxsus dasturlarda 7–18 foizgacha), biznes ko‘nikmalarining amaliyotdan  uzilishi  va  startap  loyihalarni  masshtablashtirish  masalalari  qiyosiy  jadvallar  yordamida ochib berildi. Shuningdek, kichik biznesning YaIMdagi ulushi (2020– 2024-yillarda 57,5 foizdan 54,3 foizga o‘zgarishi) va yoshlar bandligi dinamikasi  tahlil qilinib, maqola yakunida garov yukini kamaytirish, dual biznes -inkubatsiya va  yagona raqamli muvofiqlashtirish bo‘yicha amaliy tavsiyalar shakllantirildi.