ONA TILI O‘QITISHDA NUTQ MADANIYATINI SHAKLLANTIRISHNING DIDAKTIK SHART-SHAROITLARI

Mazkur maqolada ona tili o‘qitish jarayonida o‘quvchilarning nutq madaniyatini
shakllantirishning didaktik shart-sharoitlari ilmiy-metodik jihatdan tahlil qilingan. Nutq
madaniyatini shakllantirish jarayonining samaradorligi ta’lim mazmuni, o‘qitish metodlari,
pedagogik muloqot, o‘quv topshiriqlarining xarakteri, nutqiy muhit va o‘quvchilarning mustaqil
nutqiy faoliyatini tashkil etish bilan bog‘liqligi asoslangan. Tadqiqotda nutq madaniyatini
shakllantirishning maqsadli, mazmuniy, metodik, kommunikativ, refleksiv va baholash
komponentlari aniqlashtirilgan. Ona tili darslarida reproduktiv, produktiv va kreativ xarakterdagi
nutqiy topshiriqlarni izchil qo‘llash, nutqiy vaziyatlarni modellashtirish, dialogik va monologik
nutqni rivojlantirish, o‘quvchilarning o‘z nutqini tahlil qilish va baholashiga imkon beruvchi
refleksiv faoliyatni yo‘lga qo‘yish samarali didaktik shart-sharoitlar sifatida belgilangan. Maqolada
ishlab chiqilgan didaktik shart-sharoitlar tizimi o‘quvchilarning to‘g‘ri, aniq, mantiqiy, izchil va
vaziyatga mos nutq tuzish ko‘nikmalarini rivojlantirishga xizmat qilishi asoslangan