XALQ OG‘ZAKI IJODIDA FARZAND TUG‘ILISHI BILAN BOG‘LIQ MAROSIMLAR

Surxon-Sherobod vohasida farzand tug‘ilishi va uni tarbiyalash bilan bog‘liq marosimlar (aqiqa, chilla, beshik to‘yi va oyoq to‘yi) oilaviy barqarorlikni mustahkamlash, mehnat va ijtimoiy resurslarni tartibga solish hamda diniy va ma’naviy qadriyatlarni saqlashda muhim ahamiyatga ega bo‘lgan. Bu marosimlar orqali farzand nafaqat oila, balki mahalla va jamoa hayotiga integratsiya qilinib, uning kelajakdagi ijtimoiy va ma’naviy roli ramziy tarzda belgilangan. Shuningdek, xalq og‘zaki ijodida bu rituallar maqollar, irim-sirimlar, qo‘shiqlar va “Alpomish” dostonidagi syujetlar orqali badiiy shaklda aks etgan. Marosimlar oila, mehnat, e’tiqod va jamoaviylik tushunchalarini uyg‘unlashtiruvchi muhim ijtimoiy va ma’naviy institut sifatida namoyon bo‘lgan.