ЖАНУБИЙ ОРОЛБЎЙИ ХУДУДИДА ЯШОВЧИ АХОЛИ ОРАСИДА ЮҚОРИ НАФАС ЙЎЛЛАРИНИНГ ПАТОМОРФОЛОГИК ЎЗГАРИШЛАРИ (ЭКСПЕРИМЕНТАЛ ТАДҚИҚОТ)

Мазкур тадқиқот Жанубий Оролбўйи ҳудудида экологик омиллар, жумладан, тузли чанг ва минерал аэрозолларнинг нафас йўлларига таъсири натижасида юзага келиши мумкин бўлган патоморфологик ўзгаришларни экспериментал ўрганишга бағишланган. Тадқиқотнинг асосий йўналиши юқори нафас йўллари шиллиқ қавати, эпителий қоплами, безлар ва қон томирларидаги морфологик ўзгаришларни аниқлашдан иборат. Экспериментал ҳайвонлардан олинган тўқима намуналарини гистологик, морфометрик ва статистик усуллар ёрдамида текшириш орқали экологик омиллар таъсирининг тўқима даражасидаги хусусиятларини баҳолаш режалаштирилади. Тадқиқот натижалари Жанубий Оролбўйи шароитида нафас йўллари зарарланишининг эҳтимолий механизмларини тушуниш ва кейинги профилактик тадқиқотлар учун илмий асос яратишга хизмат қилиши мумкин.