SOVET DAVRIDA OILA VA NIKOH MASALALARIGA DAVLAT SIYOSATI VA GENDER YONDASHUV TAHLILI

Mazkur maqolada Sovet davrida oila va nikoh munosabatlariga nisbatan davlat siyosatining asosiy yo‘nalishlari hamda uning gender jihatlari tahlil qilinadi. Tadqiqotda Sovet hokimiyatining oila institutini modernizatsiya qilish, ayollar va erkaklar o‘rtasida huquqiy tenglikni ta’minlash, nikoh va ajralish masalalarini huquqiy tartibga solish bo‘yicha amalga oshirgan islohotlari yoritiladi. Shuningdek, O‘zbekiston SSR misolida mazkur siyosatning mahalliy an’analar va diniy qadriyatlar bilan o‘zaro munosabati, xotin-qizlarning oiladagi mavqei, gender rollarining o‘zgarishi hamda davlatning oilaviy munosabatlarga aralashuvi tarixiy manbalar asosida tahlil qilinadi. Maqolada Sovet davri gender siyosatining ijobiy natijalari bilan bir qatorda uning ziddiyatli jihatlari va ijtimoiy oqibatlari ham ko‘rib chiqiladi.