MASOFAVIY BANK XIZMATLARI AMALIYOTIGA TA’SIR ETAYOTGAN OMILLARNING TA’SIR DARAJASI

Mazkur maqolada O‘zbekiston tijorat banklari mijozlari misolida masofaviy bank xizmatlari amaliyotiga ta’sir etayotgan oltita asosiy omil - foydalanish qulayligi, xavfsizlik darajasi, xarajat samaradorligi, ijtimoiy ta’sir, moliyaviy savodxonlik va me’yoriy-huquqiy muhit — ning ta’sir darajasi empirik usullar yordamida o‘rganilgan. Kengaytirilgan Texnologiyani Qabul Qilish Modeli (TAM) asosida qurilgan ko‘p o‘zgaruvchili regressiya tahlili 387 nafar respondentdan to‘plangan ma’lumotlar asosida amalga oshirilgan. Natijalar shuni ko‘rsatdiki, foydalanish qulayligi (β=0,341) va xavfsizlik darajasi (β=0,287) masofaviy bank xizmatlaridan foydalanish intensivligiga eng kuchli ta’sir ko‘rsatuvchi omillar hisoblanadi. Model dispersiyaning 62,3 foizini tushuntiradi (R²=0,623).