SOMATIK HUQUQLAR VA BIOETIKA: INSON HUQUQLARINING YANGI AVLODI

Mazkur maqolada inson huquqlari tizimidagi yangi huquqiy tushuncha – somatik huquqlar va uning rivojlanish tarixi, nazariy asoslari hamda dolzarb muammolari chuqur tahlil qilingan. Tadqiqot bioetika bilan somatik huquqlar orasidagi uzviy aloqani ko‘rsatib, inson tanasi ustidan huquqiy va axloqiy nazorat masalalarini muhokama qiladi. Shu bilan birga, maqolada xalqaro huquqiy me’yorlarning somatik huquqlarni tartibga solishdagi o‘rni ko‘rib chiqilgan. Genetik modifikatsiya, organ transplantatsiyasi, inson imkoniyatlarini texnologik yo‘l bilan kengaytirish va sun’iy intellekt bilan integratsiya kabi yangi texnologiyalar oqibatida yuzaga kelayotgan axloqiy va huquqiy muammolar keng yoritilgan. Maqolada xalqaro hamkorlikning zaruriyati va xalqaro standartlarni shakllantirishdagi qiyinchiliklar ham qayd etiladi. Xulosa qismida esa somatik huquqlar sohasida xalqaro hamjamiyat oldida turgan mas'uliyatlar va istiqboldagi vazifalar aniq va mantiqiy tarzda taqdim etilgan.