MINTAQAVIY IQTISODIYOTNI RIVOJLANTIRISHDA INSON KAPITALINI TADQIQ QILISHDAGI YONDASHUVLAR

Mintaqaviy iqtisodiyotni rivojlantirishda inson kapitalining o‘rni va ahamiyati beqiyosdir. Ushbu tadqiqotda inson kapitalining iqtisodiy rivojlanishdagi rolini aniqlash, uning tarkibiy qismlarini o‘rganish va mintaqaviy iqtisodiyotga ta’sirini baholash maqsad qilingan. Tadqiqotda inson kapitali - ta'lim, malaka, sog'liq va ijodkorlik kabi omillar orqali o'lchanadi. Mintaqaviy darajada, bu omillarni yaxshilash orqali iqtisodiyotning barqaror o‘sishini ta'minlash mumkin. O'zbekiston misolida, mintaqaviy iqtisodiyotning rivojlanishi uchun inson kapitalini oshirishga qaratilgan strategiyalar ko'rib chiqiladi. Shuningdek, tadqiqotda inson kapitalini rivojlantirishga oid zamonaviy yondashuvlar, jumladan, ta'lim tizimidagi inqiloblar, kasbiy tayyorgarlik dasturlari va innovatsion faoliyatni rag'batlantirish masalalari muhokama qilinadi. Natijalar shuni ko‘rsatmoqdaki, inson kapitaliga sarmoya kiritish mintaqaviy iqtisodiyotning raqobatbardoshligini oshirishga yordam beradi. Ushbu tadqiqot natijalari mintaqaviy siyosatchilar va iqtisodchilar uchun strategik yo'nalishlarni belgilashda foydali bo'lishi mumkin. Inson kapitaliga e’tibor qaratish orqali mintaqa davomida barqaror rivojlanishni ta'minlash imkoniyatlari kengayadi.