IS GAZINING SURUNKALI TA’SIRI NATIJASIDA OSHQOZON SHILLIQ QAVATIDA YUZAGA KELGAN MORFOLOGIK O‘ZGARISHLARNI QUSHQO‘NMAS O‘SIMLIGI EKSTRAKTI YORDAMIDA KORREKSIYALASH VA GISTOMORFOLOGIK TAHLILI

Ushbu tadqiqot uglerod(II) oksidining (is gazi, CO) surunkali past dozali ta’siri natijasida oshqozon shilliq qavatida yuzaga kelgan morfologik o‘zgarishlarni o‘rganishga va ularni qushqo‘nmas (Asparagus officinalis) o‘simligi moyi yordamida korreksiyalash imkoniyatlarini baholashga qaratilgan. Eksperimental sharoitda CO toksik ta’siri epiteliy distrofiyasi, bezlar zichligining kamayishi va stromal kollagenizatsiyaning kuchayishi bilan namoyon bo‘ldi. Qushqo‘nmas moyi tarkibidagi antioksidant va oqsil bilan bog‘lanmaydigan biologik faol moddalarning regenerativ ta’siri natijasida shilliq qavat tuzilmasining 85–90% darajada tiklangani aniqlandi. Tadqiqot natijalari ushbu moyning gastroprotektiv vosita sifatida qo‘llanishi mumkinligini ko‘rsatadi.