KANOPNING “O‘ZBEK-2268” NAVINING TUP SONI VA SAQLANISH DARAJASIGA KALIY O‘G‘ITINI BARGDAN OZIQLANTIRISHNING TA’SIRI

O‘simlikning o‘sishi, rivojlanishi va mahsuldorlikning yuqori bo‘lishi yorug‘lik, ozuqa, suv bilan yaxshi ta’minlanishiga bog‘liq. Ekinlarning o‘sishi va rivojlanishi hamda hosilning shakllanishi ekinning tup soniga uzviy bog‘lanadi. Qishloq xo‘jalik ekinlarining ko‘chat qalinligi ekish me’yori, dala unuvchanligi, shoxlanishi va yashovchanligi bilan belgilanadi. O‘simliklarning dala unuvchanligi va hosildorlik bir-biri bilan chambarchas bog‘liqdir. Mahsuldorlik ko‘rsatkichlarining pasayishi, ko‘chat qalinligining siyraklashishi, tup sonining keskin kamayishi hosildorlikka katta ta’sir etishi barchamizga ma’lum.