OSHQOVOQNING MORFOLOGIK XUSUSIYATLARI

Bu maqolada qovoqdoshlar oilasi vakili oshqovoqning morfologik xususiyatlari haqida ma’lumotlar keltirilgan. Oshqovoqning  mevasi yiirik, soxta meva. Mevaning tashqi  qavati  qattiq, ichki qavati esa shirador  va etdor. Urug‘ida 50 % gacha moylar mavjud. Oshqovoq  mevasi  tarkibida 15-18 % quruq modda, 4-11% askorbin kislota karotin, tiamin, riboflavin, azotli birikmalar, 0,7%  biriktiruvchi  to’qima, 0,5 % oqsil, 0,2 %  yog‘,  0,6  % kul moddasi, urug‘ida 20-40 % gacha  yog‘ saqlaydi. Oshqovoqning muskatsimon  qovoq va qattiq po‘stli kabi  3 turi ko‘p tarqalgan. Ildizi o‘q ildiz, uzunligi 2m ga teng bo‘ladi. Tarkibida katta miqdorda  A vitamini saqlanadi. Qovoq  tarkibida  beta-karotin  organizimiga  tushganidan keyin  A vitaminga aylanadigan o‘simlik pigmenti miqdori juda  ko‘p. Aynan  beta- karotin  qovoqqa to‘q sariq  rang beradi. 13 turi ma’lum.Vatani  -Shimoliy va  Janubiy  Amerika. O‘rta  Osiyo, jumladan, O’zbekistonda  qadimdan  ekib  kelingan. Tuproq qal’a  arxeologik qazilmalarida  topilgan qovoq qoldiqlari  buni  tasdiqlaydi.