TURLI KO‘CHAT QALINLIGI HAMDA QO‘SHQATOR USULIDA YETISHTIRILGAN G‘O‘ZA PARVARISHIDA QO‘LLANILGAN MINERAL O‘G‘ITLARNI G‘O‘ZANING O‘SISHI VA RIVOJLANISHIGA TA’SIRI

Maqolada Surxondaryo viloyatining taqir-o‘tloqi tuproqlari sharoitida g‘o‘zaning ingichka tolali “Termiz-202” navini qo‘shqator usulida yetishtirishda turli ko‘chat qalinligi (140, 160, 180 ming tup/ga) va mineral o‘g‘it me’yorlarining (N250P175K125, N275P190K135, N300P210K150 kg/ga) o‘simlikning o‘sishi hamda rivojlanishiga ta’siri o‘rganilgan. Biometrik o‘lchovlar natijasida maydon birligida ko‘chat qalinligi va o‘g‘it me’yorlarining ortishi g‘o‘zaning bosh poya balandligini oshishiga olib kelishi, biroq yuqori qalinlikda o‘simliklararo raqobat kuchayishi sababli hosil bo‘g‘inlari va hosil elementlari soni kamayishi aniqlangan. Tadqiqot yakunida “Termiz-202” navi uchun normal rivojlanish va maqbul agrotexnik sharoit yaratishda ko‘chat qalinligi 160 ming tup/ga bo‘lganda N250P175K125 kg/ga, ko‘chat qalinligi 180 ming tup/ga bo‘lganda esa N275P190K135 kg/ga o‘g‘itlash me’yorlari eng samarali ekanligi bo‘yicha xulosalar berilgan.