MEMUAR ASAR TAHLILI

Chunonchi, 10-sinfda Boburning “Boburnoma”, 11-sinfda esa uning lirik asarlarini o‘rganish ko‘zda tutilgan. O’qituvchi Zahiriddin Muhammad Boburning hayot va ijod yo‘li to‘g‘risida darslikda berilgan ma’lumotlarnigina takrorlash o‘rniga “Boburnoma” asarining V.Rahmonov hamda K.Mullaxo‘jayeva tomonidan o‘zbekchaga qilingan tabdilidan adib shaxsiyati yorqin namoyon bo‘lgan o‘rinlarini o‘qib bersa, o‘quvchilar shoir haqida faqat muayyan ma’lumotlarga ega bo‘libgina qolmay, uning alohida o‘ziga xos bir shaxsiyat egasi sifatidagi minazi, intilishlari, qaltis vaziyatlardagi o‘ylari, kayfiyatidagi o‘zgarishlar, jasurligi, topqirligi, mehribonligi va qahri singari turli-tuman insoniy sifatlari bilan tanishadilar. Va ijodkorni o‘zlari yaqindan biladigan bir odam sifatida yaxshi ko‘rib qoladilar. Bilmay turib sevish, sevmay turib chuqur bilish mumkin emas. Bu hol “Boburnoma”ni o‘qish va o‘zlashtirish samaradorligini sezilarli oshiradi.